Kersfees en Gewig!

Posted Oktober 10, 2013 deur RB
Kategorieë: Uncategorized

Dis vandag presies 75 slapies tot dit ou kersaand is en ook wanneer ons Weskus toe ry vir Kersfees en Nuwejaar by my swaer.

Dis so 10 weke waarin ek kan gewig verloor.

So harde werk wat voorlê!!!

Ek het sekere medisyne laasjaar begin gebruik wat my hormone heeltemal deurmekaar gemaak het en in die proses het ek ook 10kg opgetel! Nou het my pille verander, hormone is terug na normaal, maar nou is dit harde werk om die vetjies weer te verbrand. Sou so graag meer wou verloor, maar het 15kg uitgesit wat ek graag wil afhê vir die vakansie. Binne die eerste week het ek darem 2kg verloor – ja ek weet dis meestal net water, maar daar is nog baie water wat moet padgee en vet daarmee saam. Sal maar die mates ook dophou en sien dat dit ook verdwyn!

Kersfees persente is ‘n ander probleem. Ek voel ek moet vir my suster se 2 seuns ietsie gee en my man sê nee, ons is mos nie hier vir Kersfees nie, so hulle hoef niks te kry nie! Ek beplan ‘n koffiebeker met elkeen se naam en ‘n prentjie op wat spesiaal gemaak word teen R80 ‘n beker. Aanvanklik wou ek 10 bekers laat maak het, maar sal ma moet afskaal. Hoe nou gemaak en vir wie gee ek? So sal ek maar verder moet soek vir persente.

Vandag is 10 Oktober en baie mense gaan rooi balonne in die lug laat opgaan teen blanke moorde in ons land! Sou so graag wou deel wees van so veldtog, maar nou sit ek rustig by die werk en ousies oppas. Hoe ironies!!

Siek, siek, siek, siek…..

Posted September 2, 2013 deur RB
Kategorieë: Uncategorized

Hier waar ek sit en tik, klop my kop en my oë voel of hulle nie lekker kan fokus nie!! Ja die sinus het my ook beetgekry!

Ek het nogal vir almal gepreek, wat siek is, dat dit so gaan aanhou tot ons reën kry, en ja nou het dit my ook beet.

Hier in die Bosveld ly meeste mense maar aan sinus, dit verskil maar net hoe ernstig dit is. Gewoonlik word ek lekker siek hierdie tyd van die jaar en word so paar dae afgeboek.

Was nie lus om vanoggend na ons siekeboeg te gaan nie, maar sal nogal graag op my bed wil gaan lê!

Deurmekaar gedagtes!

Posted Augustus 30, 2013 deur RB
Kategorieë: Uncategorized

Ons het uiteindelik gister middag ons uitslae van die oudit gekry en ja ons is deur, net-net, maar ons is deur en doen eers weer oor ‘n jaar ‘n oudit!!  Baie verlig!!

Dis Vrydag vandag en ek sien eintlik uit na ‘n rustige naweek,  My meisiekind slaap by ‘n maatjie oor en gaan more na ‘n wildsveiling in Vaalwater.  Ek kan maar net hoop sy gedra haar en sal soet wees!  Gelukkig het sy al baie by die maatjie gekuier en dit het voorheen goed gegaa.  Die ma sê al my meisiekind is haar tweede dogter.

Ek sukkel deesdae verskriklik met my gewig.  Het sommer in 4 maande 14kg opgetel!  Ja, dis VERSKRIKLIK!!!  Ek skaam my dood. En dis nie oor ek teveel begin eet het nie, nee.  Ek skryf dit toe aan my anti-depressante.  Dr Rangaka het laas vir my gewys die een pil kan my hormone deurmekaar maak en gewig laat optel.  Hy het toe my medikasie verander en hopelik gaan dit nou beter.  Maar die gewig gaan seker nie sommer net so verdwyn nie, ek sal seker nou effort moet insit om van dit ontslae te raak!! Argghh!!!

Dan is ek nogsteeds nie happy met my huidige werk nie.  Verstaan my mooi, ek hou van die maatskappy en die mense is fine, dis net die spesifieke WERK wat ek moet doen.  Ek is iemand wat hou van werk, gee my papiere en ‘n rekenaar en eks happy.  Moenie vir my mense gee nie en ek sal nog ‘n telefoon kan hanteer.  Maar op die oomblik het ek so min admin om te doen dat ek teen 10:00 op ‘n dag klaar is en dan sit en wag vir die volgende dag!  Dit dryf my teen die mure uit.  Daar was al ‘n paar poste in die admin kantoor oop, maar die baas wil my nie skuif nie.  Die klere wat ek dra is ook afgryslik, maar ek moet.  Dink dit laat my nog vetter lyk!!!!  Dit sal ‘n groot droom bewaarheid as ek na die admin kantoor kan skuif en hul pakkies kan dra, maar nie al mens se drome kom waar nie.

Gelukkig is dit Vrydag!  Het ek dit al gesê!!!

‘n Vriendin van my verjaar vandag!  Ek wens haar net al die beste toe vir die volgende jaar.

Nou moet ek maar bietjie deur die oudit verslag werk en kyk waar ons oral tekort geskiet het!

WAG!!!!

Posted Augustus 29, 2013 deur RB
Kategorieë: Uncategorized

Eks moeg gewag!!

Dit voel baie keer of ek my lewe om wag!

As ek nie wag vir die tyd om verby te gaan om ‘n sekere tyd na iets te moet doen nie, wag ek dat my man of kind klaar maak met iets m aan te gaan met iets anders.

By die werk wag ek rêrig dat die tyd omgaan!! Eks hieper verveeld in my huidige pos en sit meestal en wag vir die dag om klaar te maak. Loop dalk so bietjie rond, maar wag verder.

Op die oomblik wag ek vir die uitslae van ‘n oudit wat ons laasweek Maandag gehad het. Ons behoort die uitslag binne 7 werksdae te kry, maar ons wag nog.

Everything happens for a reason…..

Posted Augustus 27, 2013 deur RB
Kategorieë: Uncategorized

536789_423178061124496_711646814_n[1]

Somtyds wens ek ook net ek het geweet wat die rede is.
Somtyds wens ek net ek kan die wiel sien draai
Somtyds wens ek, ek kon dinge anders gedoen het

Ek glo alles in ‘n mens se lewe gebeur met ‘n rede, jy ontmoet mense vir ‘n rede, jy verloor mense.

Ons is elkeen op aarde vir ‘n rede. soms wil ek net so bietjie vooruit sien wat my rede vir bestaan is. Waar pas ek nou eintlik in, wat is ek nou eintlik veronderstel om waar te doen. My lewe is ‘n mengelmoes van verskillende werke, min goeie vriende en baie wag.

Om te wag het seker ook sy redes, maar dit voel soms of ek nie my lewe kan LEWE nie, ek moet wag dat iets eers gebeur.

Wil graag……

Posted Augustus 26, 2013 deur RB
Kategorieë: Uncategorized

Daar is so baie wil graags… in my lewe, maar die meeste voel onuitvoerbaar ver.

Ek wil graag:
Maer word
Motorfiets ry
Fiks word
Die comrades hardloop
Al my halwe naaldwerk projekte klaarmaak
En sommer nog baie ander!!!

Iemand het laasweek gesê dat enige avontuur begin met die eerste tree!

So wanneer gee jy daardie eerste tree?

Moet als eers ‘reg’ wees, ny jou ‘tyd’ inpas?

Ja, gee net die eerste tree en jy het alklaar begin!!

Weer probeer……

Posted Augustus 23, 2013 deur RB
Kategorieë: Uncategorized

Soveel dae, soveel dinge.

Daar gebeur elke dag so baie dinge in mens se lewe wat jy nie altyd verstaan nie.

Wat het jy by vorige maatskappye geleer? Ek het nou al by redelik baie plekke in my lewe gewerk en glo ek het ‘n les by elkeen geleer. Ek dink ek was baie naief gewees en het ongelukkig op die moeilike manier geleer om nie altyd almal te vertrou nie. Ander kere het ek weer geleer dat jy maar net ‘n nommer is en solank jy jou werk doen soos ander dit wil hê is die Kaap Hollands. By nog ‘n werk het ek geleer om dankbaar te wees vir die kleinste dingetjies.

Ongelukkig by die einste werk waar ek dankbaarheid by die 1 afdelingshoof leer, leer ek ook weer geduld en verdraagsaamheid by ‘n ander. (moet seker gelukkig wees?!)

Ek doen op die oomblik ‘n werk waarvan ek NIKS hou nie!!!!!! Ek het al verskeie kere gevra om in dieselfde maatskappy net na ‘n ander afdeling geskuif te kan word, maar telkemale sonder sukses. Wat my hart sooooo seer maak, is die perfekte pos is nou geskep, ek het weer gaan vra en die antwoord was weereens nee. Net die volgende week hoor ek daar is iemand van buite aangestel. Dit is genoeg om my moed te breek.

Gister het Radio Jacaranda gevra of jou werk jou dood kan beteken? Wel op hierdie stadium glo ek, ek is besig om stukkie vir stukkie te sterf! Die werk wat ek nou doen, word ge-oudit, en die spanning aangaande dit maak my gedaan! Deels omdat ek nie die nodige kennis het om die werk te doen nie en daar heeltyd vir my vertel word ek MOET dit net doen. Ons wag nou vir die uitslag van die oudit en dit vat meers as ‘n week waarin my spanningsvlakke heeltemal te hoog hardloop.

As ons nie vir die oudit voorberei nie, het ek weinig om te doen en wag die tyd om! Dit maak my ook dood, as ek sien waar ek oral kan help en wil help maar nie mag nie. Daar is so baie wat ek by my huis wil doen, maar in die aande is ek net eenvoudig te moeg gewag vir die dag om verby te gaan, so ek sit maar weer en wag!

Ja, ek weet als is nou baie negatief, maar ek was heel positief vanoggend en toe sien ek die nuwe dame se nuwe rekenaar word uitgepak en dit moes myne gewees het!!!


Follow

Get every new post delivered to your Inbox.